ვახტანგ გომელაურის დანიშვნას შს მინისტრის პოსტზე, უმრავლესობაში გამოხმაურებები მოყვა.

დეპუტატი ზვიად ძიძიგური ფაქტს მიესალმება და აცხადებს, რომ ქვეყნისთვის მთავარი გამოწვევა არის კრიმინალის დაბალი დონე, რომელიც მოქმედმა მთავრობამ უზრუნველჰყო.

„ძალიან წესიერი ადამიანია, ძალიან პრინციპული და კვალიფიციური და მივესალმები მის დანიშვნას. ჩვენთვის ერთ-ერთი მთავარი გამოწვევა არის და მუდმივად, ყოველთვის, ყველა ქვეყნისთვის იქნება, რომ კრიმინალი ქვეყანაში არ იყოს შემაწუხებელი ხალხისთვის. ჩვენ ქვეყანაში უნდა გითხრათ, რომ მიღწეულია ეს ამოცანა, კრიმინალი არის ძირითადად ციხეში და ქვეყნის მოსახლეობა მშვიდად ცხოვრობს. ეს სტანდარტი უნდა იქნას შენარჩუნებული.“

ჟურნალისტების შეკითხვას, რომ გომელაური ბიძინა ივანიშვილის კადრია და რამდენად შეძლებს ის იყოს სრულად დამოუკიდებელი ძიძგური პასუხობს:

„მეც ბიძინა ივანიშვილის კადრი ვარ, მეც ბიძნა ივანიშვილმა გამიწია რეკომენდაცია მაშინ პარლამენტის თავმჯდომარესთან და იმიტომ ვარ მოადგილე. ამიტომ ბიძინა ივანიშვილთან თუ არი კაცი ნამუშევარი, ეს მე ვრფიქრობ, რომ ნაკლში კი არ უნდა ჩავუთვალოთ, არამედ უნდა ჩავუთვალოთ კიდე დამატებით არგუმენტაციაში“ განაცხადა ზვიად ძიძიგურმა.