საქართველოს ხელისუფლებას თანხმობა აქვს გაცხადებული, რომ რუსული ავიაკომპანიები, რომლებიც ქვეყნის ინტერესებს აზიანებენ, ბაზარზე უპირობოდ შემოვიდნენ.

ამის შესახებ „ნაციონალური მოძრაობის“ წევრმა ზურა ჯაფარიძემ განაცხადა.

მისი თქმით, აღნიშნულთან დაკავშირებით ორი მხარე მოლაპარაკებებს დღეს მართავს.

„დღეს გამართულ შეხვედრებზე საუბარი არ არის მხოლოდ აეროფლოტზე, საუბარია სხვა რუსულ კომპანიებზეც, რომლებიც არღვევენ საქართველოს კანონს ოკუპირებული ტერიტორიების შესახებ. როგორ ჩვენ ვიცით, აეროფლოთს 30 სექტემბერს ჰქონდა რეისი სოხუმში. ავიაკომპანიები, რომლებიც ეკუთვნის პირადად პუტინს ჩვენი აზრით საქართველოშ არ უნდა შემოდიოდეს. აქ არ არის საუბარი იმაზე, რომ თავისუფალი საბაზრო პრინციპებით მივუდგეთ ამ ყველაფერს, რასაც ჩვენ მხარს დავუჭერდით. სამწუხაროდ, საქართველოს ხელისუფლებას და კონკრეტულად საგარეო საქმეთა სამინისტროს, თანხმობა აქვთ გაცხადებული რომ რუსულ ავიაკომპანიებს, მათ შორის ისეთი ტიპის ავიაკომპანიებსაც რომლებიც ჩვენი ქვეყნის ინტერესებს აზიანებს, საქართველოს ბაზარზე უშვებენ უპირობოდ. ამ მოლაპარაკლებების წინ ქართველი მხარე უკვე არის ცუდ მდგომარეობაში, ამიტომ ეჭვი მეპარება რომ ისინი შეძლებენ საქართველოს ინტერესების დაცვას“, - აცხადებს ჯაფარიძემ.

შეგახსენებთ, დღეს საქართველოსა და რუსეთის ფედერაციის საავიაციო ხელისუფლებების წარმომადგენლებს შორის დღეიდან ტექნიკური კონსულტაციები დაიწყო.