„ნაციონალური მოძრაობის“ წევრი დავით დარჩიაშვილი შინაგან საქმეთა მინისტრად ვახტანგ გომელაურის დანიშვნას ეხმაურება.

როგორც „ნიუპოსტს“ დარჩიაშვილმა განუცხადა, ის დარწმუნებულია, რომ გომელაურის მინისტრად დანიშვნით შინაგან საქმეთა სამინისტროში არაფერი შეიცვლება.

„ამ შემთხვევაში არ აქვს მნიშვნელობა თუ რა სახელის და გვარის ადამიანი იქნება მინისტრად. ზოგადად სისტემა არის ისეთი, რომელსაც ცალსახად მართავს ივანიშვილი, ასე იყო მანამდე და ასე იქნება ეხლაც. ბოლო წლებში პოლიციელების სიცოცხლე მთავრობისთვის ნაკლებად პრიორიტეტული გახდა. მთავრობა ცდილობს კრიმინალის მეშვეობით აკონტროლოს სიტუაცია. არა მგონია, რომ რაიმე გადანაცვლებებით, იმ ფონზე როდესაც ჭიკაიძე განტევების ვაცად უნდა აქციონ, რამე უნდა შეიცვალოს“, - აცხადებს დარჩიაშვილი.

დეპუტატი დარწმუნებულია, რომ აღნიშნული გადაწყვეტილების უკან ბიძინა ივანშვილი დგას.

„ქვეყანაში არაფერი არ ხდება ისეთი, სადაც ივანიშვილი არ შეიძლება იყოს ჩართული. თავის დროზე ივანიშვილმა შინაგან საქმეთა სამინისტროში შტატების დაკომპლექტება ნაწილობრივ ღარიბაშვილს მიანდო. ამის შემდეგ სისტემაში ბევრი ღარიბაშვილის ნათესავი აღმოჩნდა. ამაზე ივანიშვილი გაბრაზდა და როგორც ჩანს, მათი მოცილებაც მისი საქმე გახდა“, - განაცხადა დარჩიაშვილმა.