საქართველოს საგარეო საქმეთა მინისტრი თამარ ბერუჩაშვილი 28 იანვრის ამერიკის შეერთებულ შტატებს ეწვევა. ამის შესახებ საგარეო საქმეთა სამინისტროს სპიკერმა დავით კერესელიძემ განაცხადა.

მისი ინფორმაციით, იგეგმება ბერუჩაშვილის შეხვედრა აშშ-ს ვიცე-პრეზიდენტთან, ჯოზეფ ბაიდენსთან, ასევე - აშშ-ს აღმასრულებელი და საკანონმდებლო ხელისუფლების წარმომადგენლებთან.

ბერუჩაშვილი სიტყვით გამოვა ატლანტიკური საბჭოს კონფერეცნიაზე - „ტრანსატლანტიკური სტრატეგია აღმოსავლეთ ევროპისთვის“.

კერესელიძის ინფორმაციით, ბერუჩაშვილი მონაწილეობას მიიღებს აშშ-ს სტრატეგიული საერთაშორისო კვლევების ცენტრში დაგეგმილ დისკუსიაში.

შეხვედრების მთავარი თემა საქართველოს უსაფრთხოების გარემო, ქვეყნის წინაშე არსებული გამოწვევები, საქართველოსა და აშშ-ს თანამშრომლობის გაღრმავების საკითხები იქნება.