მე მას დავპირდი, რომ მის პატრონამდე მივაწვდენდი ხმას... ჩვენ შევძელით...

სოც.მედია - 16:09, 25 Jan, 2015

2844

თამაზ ელიზბარაშვილის ცხოველთა თავშესაფარის ფეისბუქგვერდზე ამ თავშესაფრის ბინადარის, გერმანული ნაგაზის საინტერესო ისტორიაა მოთხრობილი, ის რამდენიმე დღის წინ უზნაძის ქუჩაზე ნაგაზი იპოვეს და თავშესაფარში მიიყვანეს :

”თითქმის 24 საათია, 55–ე ვოლიერის ძაღლებმა მოსვენება დაკარგეს... გერმანული ნაგაზი ერთი წუთითაც არ ჩერდება, ყეფს და უხმობს პატრონს... ამ წუთამდე, წყალსაც კი არ დააკარა პირი... ვოლიერის კედლებს აწყდება და გადმოხტომას ლამობს...

მე მას დავპირდი, რომ მის პატრონამდე მივაწვდენდი ხმას...

თქვენი დახმარების იმედი მაქვს...

ყველანი ერთად შევძლებთ, უმოკლეს დროში შევახვედროთ დაკარგული ნაგაზი პატრონს...” ყვება ნაგაზის ისტორიას თავშესაფრის თანამშრომელი.

საბოლოოდ დაკარგული ძაღლის ისტორია ბედნიერად დამთავრდა და თავშესაფარის ფეისბუქგვერდზე ამ ბედნიერი დასარულის შესახებაც გაავრცელეს ინფორმაცია:

”დაკარგულმა გერმანულმა ნაგაზმა პატრონი იპოვა!!!

ამ პირიქით, პატრონმა გერმანული ნაგაზი იპოვა!!!

არჩილ მერებაშვილმა ლეკვობიდან გაზარდა ,,როკი'' , ის 8 დეკემბერს ერთი წლის გახდა...

დიდი მოუსვენარი ვინმეა, უყვარს ხელიდან დასხლტომა... ამ ჯერზე, თავშესაფარში ამოყო თავი... ჩემმა შვილმა ნახა ფეისბუკზე, მაშინვე გამოვქანდით... ვინც ჩავეტიეთ მანქანაში, ყველანი წამოვედით...

მინდა მიამბონ ,,როკიზე'' , ისინი კი, ჩქარობენ მასთან შეხვედრას..

55–ე ვოლიერის კარები გაიღო და ...

ყველას დანახვა გაუხარდა ,,როკის'', მაგრამ არჩილთან შეხვედრა, დიდი ხნის მონატრებულ მეგობართან შეხვედრას ჰგავდა....

ჩვენ შევძელით... ყველამ ერთად შევძელით, რომ ხმა მიგვეწვდინა ,,როკის'' პატრონამდე...

ახლა კი, გავაზიაროთ და გავაგებინოთ ყველას, რომ ძალა ერთობაშია, რომ ერთად დგომას, სასწაულის მოხდენაც შეუძლია!!!”