ტელეკომპანია „იმედის“ ჟურნალისტი თეონა გეგელია „თავისუფალი დემოკრატების“ ერთ-ერთი ლიდერი ალექსი პეტრიაშვილის პოსტს ეხმაურება.

გეგელია არ იზიარებს პეტრიაშვილის პოზიციას და ამბობს, რომ ტელეკომპანია „იმედი“ თავისუფალია.

„პირველად ვწერ და უკანასკნელად, რადგან ძალიან მეზარება სიტყვით გამოსვლა და უსაგნო კამათი, რითაც დაკავებულია ფბ მომხმარებლების უმრავლესობა. მოკლედ, თავისუფლება არის იქ სადაც ჩვენ ვმუშაობთ და მანამდე ვიდრე ჩვენ ვმუშაობთ! ჰოდა პოლიტიკოსებმა მიხედეთ საქმეს, თორემ ძალიან ცუდად გამოიყურებით და ძალიან დაგვღალეთ ყველამ, ერთად და ცალ-ცალკე.

p.s. ვმუშაობ ტელეკომპანია "იმედის" საინფორმაციო სამსახურში და გამოვეხმაურე ალექსი პეტრიაშვილის სტატუსს, აგერ 1 საათის წინ რომ დაუწერია იმას“, - წერს გეგელია.

გუშინ ალექსი პეტრიაშვილმა „იმედის“ მიმართ პრეტენზია გამოთქვა. სოციალურ ქსელში მან დაწერა, რომ ტელეკომპანიაში სტუმრობისას „მოკლე ჩართვამ სააკაშვილის დროინდელი იმედი გაახსენა”.