„გაერთიანებული დემოკრატიული მოძრაობის“ თავმჯდომარის ნინო ბურჯანაძე თვლის, რომ „ქართული ოცნება“ ალექსანდრე ჭიკაიძის გადადგომით პასუხისმგებლბას ვერ მოიხსნის.

ამის შესახებ ბურჯანაძემ სამების საკათედრო ტაძარში ჟურნალისტებთან საუბრისას განაცხადა.

„28 წლის ბიჭის დანიშვნა შინაგან საქმეთა მინისტრად ეს არის ზუსტად დანაშაული და პოლიტიკური პასუხისმგებლობა ამაზე „ქართულმა ოცნებამ“ უნდა აიღოს. რაც შეეხება ჭიკაიძის გადადგომას, ეს „ქართულ ოცნებას“ პასუხისმგებლობას ვერ მოხსნის. „ქართული ოცნების“ მმართველობის დასასრულის დასაწყისი იქნება, თუ იური ვაზაგაშვილის საქმე უსწრაფესად გამოძიებული არ იქნება“- განაცხადა ბურჯანაძემ.