„თავისუფალი დემოკრატების“ ლიდერი ირაკლი ალასანია აცხადებს, რომ მხოლოდ ჭიკაიძის გაშვებით მთავრობაში შექმნილი მძიმე მდგომარეობა ვერ გამოსწორდება. მისი თქმით, ქვეყანაში სამართალდამცავი სტრუქტურა მთლიანად უნდა შეიცვალოს.

"არ შეიძლება და საზოგადოება არ დაუშვებს იმას, რომ მხოლოდ ერთი ჭიკაიძის გაშვებით მთავრობიდან მთელი ბრალი შექმნილ მძიმე მდგომარეობაზე ქვეყანაში გადააბრალონ ამ ერთ ადამიანს. ეს არის, პირველ რიგში, პრემიერ-მინისტრის პასუხისმგებლობა. ის, რომ ბოლო პერიოდში აბსოლუტურად არაკომპეტენტური ხალხი მართავს სამართალდამცავ სტრუქტურებს და პროკურატურას, ეს, რა თქმა უნდა, არის ღარიბაშვილის პრობლემა და მისი დამსახურება. აქედან გამომდინარე, უნდა გაიზიაროს მანაც ეს პასუხისმგებლობა. ქვეყანაში მთლიანად უნდა შეიცვალოს სამართალდამცავი სტრუქტურა და პროკურატურა. ამის გამკეთებელი ეს მთავრობა არ ჩანს და აქედან გამომდინარე, ხალხსაც ეს განცდა აქვს. ეს ყველაფერი ძირეულ ცვლილებებს მოითხოვს და არა მხოლოდ ცალკეული მინისტრების გადაყენებას", - განაცხადა ირაკლია ალასანიამ.