ექსპერტი ლევან ალაფიშვილი უარყოფს გავრცელებულ ინფორმაციას, რომ მისი კანდიდატურა უზენაესი სასამართლოს თავმჯდომარის პოსტზე განიხილება.

ამის შესახებ მან „ნიუპოსტთან“ საუბარში განაცხადა.

„არ ვადასტურებ ინფორმაციას, მსგავს განხილვაში მონაწილეობა არ მიმიღია. სხვები რამეს თუ იხილავენ, ეგ არ ვიცი. რაც შეეხება აღნიშნულ თემაზე გიოგი მარგველაშვილთან შეხვედრას, არც ეს ინფორმაციია სწორი. მასთან პირისპირე შეხვედრა რამდენი ხანია არ მქონია“, - განაცხადა ალაფიშვილმა.

ცოტა ხნის წინ მედიაში გავრცელდა ინფორმაცია, რომ ალაფიშვილს უზენაესი სასამართლოს თავმჯდომარის პოსტზე ერთ-ერთი კანდიდატურად განიხილავენ. არსებული ინფორმაციით, მას აღნიშნულ საკითხზე შეხვედრები ჰქონდა პრეზიდენტთანაც.