ექსპერტია გია ხუხაშვილი ალექსანდრე ჭიკაიძის შინაგან საქმეთა მინისტრის პოსტიდან გადადგომას ეხმაურება.

„ვიფქრობ, ჭიკაიძის დრამატული გადადგომის მუხტი ჩადებული იყო მისი დანიშვნის დღეს. ესეთი ზერელე გადაწყვეტილებები იმ კრიტერიუმებით, როგორც ეს იყო მიღებული თავის დროზე, სახელმწიფოში არ შეიძლება. არ შეიძლება ახალგაზრდა გამოუცდელ კაცს აკიდო იმხელა ტვირთი რაც მას აკიდეს“, - აცხადებს ხუხაშვილი.

ჭიკაიძემ გადადგომის თხოვნით პრემიერს გუშინ მიმართა. ირაკლი ღარიბაშვილმა მისი განცხადება დააკმაყოფილა. ასევე თანამდებობა თბილისის კრიმინალური პოლიციის უფროსის მოადგილემ ოთარ მირზოევმა დატოვა.