უმრავლესობის წევრი ზაქარია ქუცნაშვილი თანამდებობიდან გადადგომასთან დაკავშირებით ალექსანდრე ჭიკაიძის გადადგომას მიესალმება.

ამის შესახებ ქუცნაშვილმა „ნიუპოსტთან“ საუბარში განაცხადა.

„ვფიქრბ, რომ შინაგან საქმეთა მინისტმა სწორი გადაწყვეტილება მიიღო. გარდა სამართლებრივი პასუხისმგებლობისა არსებობს მორალური პასუხისმგებლობა. აქედან გამომდინარე სწორი გადაწყვეტილებაა და მე მას მხარს ვუჭერ“, - განაცხადა ქუცნაშვილმა.

კითხვაზე, შეიძლება თუ არა ყოფილიყო ჭიკაიძე ის მაღალჩინოსანი, ვინც ზურაბ ვაზაგაშვილის საქმის გამოძიებას აჭიანურებდა, ქუცნაშვილი ამბობს, რომ „უდანაშაულობის პრეზუმფციას ვერ დაარღვევს“ და წინასწარი შეფასებისაგან თავს იკავებს.

„ფაქტია, რომ იური ვაზაგაშვილი ბევრ მაღალჩინოსანს ადებდა ხელს, რომელიც მუშაობდა და მუშაობს სამართალდამცავ სტრუქტურებში მაღალ თანამდებობაზე. ამიტომ თუ გამოძიება დაადგენს, რომ ზურაბ ვაზაგაშვილის საქმის გამოიძიების გაჭიანურება ემსახურებოდა ერთ მთავარ მიზანს, რომ ხელი დაეფარებინათ მკვლელობის ჩადენაში ეჭვმიტანილი პირებისთვის, დადგება მათი სისხლის სამართლის პასუხისმგებლობის საკითხი. ეს არის ლოგიკური და სწორი. ისიც მახსოვს, რომ იური ვაზაგაშვილი ჭიკაიძეს დებდა ბრალს. აქედან გამომდინარე მე მის გადაწყვეტილებას მივესალმები“, - განუცხადა ქუცნაშვილმა „ნიუპოსტს“.