აუხსნას ხადურმა პენსიონერს როგორ უნდა გაუძლონ ამ გამოწვევას

აუხსნას ხადურმა პენსიონერს როგორ უნდა გაუძლონ ამ გამოწვევას - მელიქიშვილი

პოლიტიკა - 15:27, 23 Jan, 2015

1885

დღეს „ერთიანი ნაციონალური მოძრაობის“ წევრმა ზურაბ მელიქიშვილმა ლარის კურსის ვარდნასთან დაკავშირებით პრესკონფერენცია გამართა. მელიქიშვილის განცხადებით, მთავრობას ამ მიმართულებით არ აქვს არანაირი პოლიტიკა შემუშავებული.

„სამწუხაროდ ლარის კურსმა გადააბიჯა ორნიშნულიან ზღვარს, რაც ძალზედ უარყოფითად აისახება ჩვენი მოქალაქეების მდგომარეობაზე. პირველ რიგში ავღნიშნავ, ეს პირდაპირ გავლენას ახდენს იმ ნახევარმილიონ მოქალაქეზე, რომელსაც კრედიტი დოლარიში აქვს აღებული და შემოსავალი აქვს ლარში. ეს პირდაპირ გავლენას ახდენს სოციალურად დაუცველ მოსახლეობაზე და პენსიონერებზე. მარტო პენსიის საკითხი რომ ავიღოთ და შევადაროთ წინა წლებს 2012 წელს ლარის კურსი იყო 1,65 და პენსია იყო 125 ლარი რაც იყო 75,75 დოლარი. 2015 წელს როდესაც დოლარის კურსმა 2,0 ლარს გადააბიჯა, 150 ლარიანი პენსიის პირობებში ისინი იღებენ 75 დოლარს. დღევანდელი მთავრობა ყველაფერს აბრალებს დოლარის გაუფასურებას, დაწყებული ჩრდილოეთ პოლუსიდან დამთავრებული სამხრეთ პოლუსამდე თუ რამე ხდება ყველაფერზე კომენტარს აკეთებენ გარდა საკუთარი უნიათობისა, გარდა ამისა ამ მიმართულებით საერთოდ არ გვაქვს არანაირი პოლიტიკა შემუშავებული. ლარის გაუფასურებას ემატება გაზრდილი ფასები პროდუქტზე და წამლებზე, რომელიც 20%-ით არის გაზრდილი. გამოვიდეს ბატონი ნოდარ ხადური და აუხსნას პენსიონერს როგორ უნდა გაუძლოს ამ გამოწვევას დღევანდელი ლარის კურსის პირობებში. ჩვენ არათუ ვთხოვთ, მოვითხოვთ ხელისუფლებისგან რომ რაც არის განსხვავება 350 მილიონი ლარი 2015სა და 2014 წლის სახელფასო და საპრემიო ფონდებს შორის, აქედან დაუყონებლივ 150 მილიონი ლარი, რომ საშუალოს 20 ლარის კომპენსაცია მაინც მიიღონ პენსიონერებმა, გადატანილ იქნას საპენსიო მუხლში."-განაცხადა ზურაბ მელიქიშვილმა.

შეგახსენებთ, რომ ლარი გაუფასურებას განაგრძობს და მისმა კურსმა დოლართან მიმართებაში ორნიშნულიან ზღვარს გადააბიჯა.