პრეზიდენტის მჩეველი საგარეო ურთიერთობების საკითხებში თენგიზ ფხალაძე რუსეთსა და ოკუპირებულ აფხაზეთს შორის ე.წ. ხელშეკრულების რატიფიცირებას ეხმაურება.

მისი თქმით, ის რაც ოკუპანტსა და ანექსირებულს შორის ხდება, სამართლებრივ აქტად განხილული ვერ იქნება.

„რუსეთის ფედერაცია თავის ზრახვებზე დაუფარავად საუბრობს, არა მხოლოდ საუბრობს, არამედ მოქმედებს. ჩვენ ყველა საერთაშორისო შეხვედრაზე საქართველოს ოკუპაციის და ანექსიის პრობლემატიკაზე და ამის დაუშვებლობაზე ვსაუბრობთ. ამიტომ ვაქტიურობთ, რომ ვხედავთ საფრთხეს, საკმაოდ ადეკვატურად ვაფასებთ მას და ვცდილობთ გადაიდგას ის ნაბიჯები, რომლებიც მომავალში აღნიშნულის პრევენციას მოახდენს. რაც შეეხება ე.წ. ხელშეკრულებას, ის, რაც ხდება ოკუპანტსა და ანექსირებულ ტერიტორიას შორის, არ შეიძლება სამართლებრივ აქტად იყოს განხილული“, -განაცხადა თენგიზ ფხალაძემ.

რუსეთის დუმამ ოკუპირებულ აფხაზეთსა და რუსეთს შორის გაფორმებული ე.წ ხელშეკრულების რატიფიცირება დღეს მოახდინა.