რა პირობა მისცა მთავარმა პროკურირმა მიროტაძეს და რას ითხოვს კორძაია ?!

პოლიტიკა - 14:44, 23 Jan, 2015

3567

საპარლამენტო უმრავლესობის წევრმა, თამარ კორძაიამ ჟურნალისტებს განუცხადა, რომ იური ვაზაგაშვილის საქმის გამოძიებასთან დაკავშირებით პროკურატურამ დეპუტატებს მინიმალური ინფორმაცია მაინც მიაწოდოს.

კორძაიას თქმით, კომიტეტის წევრებს კარგად ესმით, რომ შესაძლოა არსებობს ინფორმაცია, რომლის ბოლომდე გამჟღავნება შესაძლოა მიზანშეწონილი არ იყოს, მაგრამ მინიმალური ინფორმაციის დეპუტატებისთვის მიწოდება აუცილებელია.

„მნიშვნელოვანია საგამოძიებო ორგანოებმა დახურულ ფორმატში მოგვაწოდონ საქმის მსვლელობის შესახებ ინფორმაცია, რა პერსპექტივა აქვს გამოძიებას, რა განხორციელდა და ა.შ. კომიტეტის წევრებს კარგად ესმით, რომ შესაძლოა არსებობდეს ინფორმაცია, რომლის გამჟღავნებაც გამოძიების ინტერესებიდან გამომდინარე მიზანშეწონილი არ იყოს, მაგრამ ვფიქრობთ, რომ პარლამენტის წევრებს მინიმალური ინფორმაცია მაინც უნდა მოეწოდოს პროკურატურის მხრიდან, მამის და შვილის გარდაცვალების საქმეზე“,-განაცხადა თამარ კორძიამ.

ვაზაგაშვილის საქმესთან დაკავშირებიტ კომენტარი გააკეთა საპარლამენტო უმრავლესობის წევრმა ანი მიროტაძემ.

"მე პირადად მქონდა საუბარი საქართველოს მთავარ პროკურორთან, მან მომცა პირობა, რომ პირველივე შესაძლებლობა როგორც კი ექნება და გამოიკვეთება რასთან გვქონდა საქმე, საიდან მოდის ეს ძალიან მძიმე დანაშაული, ის აუცილებლად მოგვაწვდის ინფორმაციას“,- განაცხადა ანი მიროტაძემ.