„ნაციონალური მოძრაობის“ ერთ-ერთი ლიდერი დავით ბაქრაძე იური ვაზაგაშვილის გარდაცვალების ფაქტს ეხმაურება.

მისი თქმით, ხელისუფლება ვალდებულია მომხდარი ფაქტი სრულყოფილად გამოოძიოს.

„საქართველოში ასეთი შემზარავი, ცინიზმით ჩადენილი დანაშაული არ მახსენდება. რა თქმა უნდა, ეს ფაქტი მხოლოდ ერთი კონკრეტული ადამიანის ტრაგედიის ფარგლებს სცილდება. საჭიროა მისი სრულყოფილად გამოძიება. ეს დღეს ხელისუფლების და პროკურატურის ვალდებულებაა“, - განმარტა დავით ბაქრაძემ.

მისი თქმით, აუცილებელია, რომ ვაზაგაშვილის საქმის განხილვაში პარლამენტი ჩართული იყოს.

„თუ უმრავლესობა გადაწყვეტს, რომ პარლამენტში ასეთი ფორმატით მოსმენები გაიმართოს, ბუნებრივია ამის საწინააღმდეგო არაფერი გვექნება,“ - განაცხადა ბაქრაძემ.