იური ვაზაგაშვილის ოჯახის ადვოკატები პროკურატურაში იმყოფებოდნენ. მათი ინფორმაციით, საგამოძიებო უწყებაში საქმის მასალების გასაცნობად იყვნენ მისულები.

ადვოკატები გამოძიების რამდენიმე ვერსიაზე საუბრობენ. გამოძიების ერთ-ერთი ვერსით იური ვაზაგაშვილის მკვლელობას კავშირი აქვს ზურა ვაზაგაშვილის საქმესთან, ასევე განიხილება იური ვაზაგაშვილის მიმართ შურისძიება.

"ვესწრებოდით საგამოძიებო მოქმედებას, დამატებით ჩატარდა ავტომობილის სრულყოფილი დათვალიერება, ჩვენი შეხვედრის დღევანდელი მიზანი იყო საგამოძებო მოქმედებაში მონაწილეობის მიღება. გარკვეულ ვესრიებზე გამოძიება მუშაობს, მაგრამ დეტალურად ამ ვერსიების გავლა ვერ მოხდება",-განაცხადა გაგი მოსიაშვილმა