„ნაციონალური მოძრაობის“ წევრი გივი თარგამაძე ბათუმში მომხდარ ინციდენტს ეხმაურება, რა დროსაც მოქალაქე დავით მანჯავიძეს ავტომობილი დაუწვეს.

დეპუტატის თქმით, მანჯავიძე მისი მეგობარია და სწორედ ამიტომ გაუსწორდნენ მას ასე. თარგამაძე ეჭვობს, რომ ავტომობილის დაწვის ფაქტი ადგილობრივ პოლიციურ სტრუქტურებთან შეთანხმებული იყო, რადგან მისი თქმით, დამნაშავე კამერის წინ დაუფარავად მოქმედება.

„მესმის, რომე ეს არის ჩემს მიმართ გაკეთებული მოქმედება, რადგან დავით მანჯავიძეს მტრები არ ჰყავს. მინდა მივმართო ქურდულ სამყაროს, კრიმინალებს და მასთან შეზრდილ პოლიციის წარმომადგენლებს, რომ ასეთი მოქმედებებით ვერაფერს მიაღწევენ და ჩვენ გეგმებს ვერ შეცვლიან. მივმართავ ამ ქვეყნის ფაქტობრივ მმართველებს, რომლებცმაც ქვეყანა მიიყვანეს იკამდე რომ ხდება მანქანების აფეთქებები და გაზრდილია დანაშაული, ისინი აუცილებლად მიიღებენ განაჩენს ხალხის მხრიდან უახლოესიო არჩევნების დროს“, - განაცხადა თარგამაძემ.

ბათუმში გუშინ საღამოს მანჯავიძის კუთვნილი BMW-ს მარკის ავტომობილი დაწვეს. შინაგან საქმეთა სამინისტროს ინფორმაციით, საქმე სისხლის სამართლის კოდექსის 187-ე მუხლის მეორე ნაწილით აღიძრა, რაც ნივთის დაზიანებას გულისხმობს.