იური ვაზაგასვილის მკვლელობის ფაქტზე, ადვოკატთა ასოციაციის თავმჯდომარემ ზაზა ხატიაშვილმა და „ყოფილი პოლიტპატიმრები - ადამიანის უფლბებისთვის“ ხელმძღვანელმა ნანა კაკაბაძემ ერთობლი პრესკონფერეცია გამართეს.

ნანა კაკაბაძე აცხადებს, რომ საჭიროა საქმის მსვლელობა შეიცვალოს და გამოძიება 323-ე მუხლით გაგრძელდეს.

„ვაპირებთ მივმართოთ მთავარ პროკურორს, რომ საქმე დაკვალიფიცირდეს და 109-ე მუხლი 323-ე მუხლით შეიცვალოს. ეს აქტი ტერორისტულ ხასიათს ატარებდა. ადგილი ჰქონდა საზოგადოების დაშინების მცდელობას. ბატონი იური ყოველდღე დადიოდა თავის შვილის სასაფლაოზე. დანაშაულის ორგანიზატორებმა ჩაიფიქრეს, რომ ეს აფეთქება უნდა მომხდარიყო იმ დროს, როდესაც ის გასვენებაში იმყოფებოდა. დაკრძალვაზე, ბუნებრივია, ხალხმრავლობაა და იქ მთელი სოფელი იყო შეკრებილი. ანუ ეს ტერორი საზოგადოების რაც შეიძლება მეტი ფენის მოცვაზე იყო გათვლილი. ამ ტერაქტმა თავის შედეგი გამოიღო. ამიტომ ვფიქრობთ, რომ საქმე არასწორად არის დაკვალიფიცირებული“, - განაცხადა ნანა კაკაბაძემ.

ზაზა ხატიაშვილი აცხადებს, რომ იური ვაზაგაშვილი მრავალი წლის მანძილზე საქმის გასახსნელად მასალებს აგროვებდა.

„ეს ადამიანი ვანდალურად დააკლეს შვილის საფლავს, აფეთქება არ ყოფილა მხოლოდ იმისთვის, რომ იურ ვაზაგაშვილი მოეკლათ, მიზანი აგრეთვე მოსახლეობის ფარო ფენის დაშინება იყო. ხელისუფლებას ამ მკვლელობის ტერორისტულ აქტად დაფიქსირება არ აწყობს, რადგან ის გრძნობს თავის ვალდებულებას, რომ 2 წლის განმავლობაში გამოძიებულ საქმეზე იმ ადამიანებისთვის ბრალის წაყენება ვერ უზრუნველყო, რომლებმაც როგორც მასალებიდან ჩანდა, დამამძიმებელ გარემოებებში ზურაბ ვაზააგაშვილის მკვლელობა ჩაიდინეს. დღეს ხელისუფლებამ რომ თავისი ბრალეული მოქმედების გამო ამ ვანდალუს აქტთან მიმართებში პასუხისმგებლობა აიცილოს ამბობს, რომ ეს იყო მკვლელობა. თუ მომხდარი როგორც ტერორისტული აქტი ისე არ დაფიქსირდა ვფიქრობ, რომ საგამოძიებო ორგანო ძალიან დიდ შეცდომას დაუშვებს“, - განაცხადა ზაზა ხატიაშვილმა.