ქვემო ქართლის ყოფილი გუბერნატორი ლევან მამალაძე მიიჩნევს, რომ ბიძინა ივანიშვილმა კარდინალური ცვლილებები უნდა განახორციელოს.

მისი თქმით, პირველ რიგში პარლამენტის თავმჯდომარე უნდა შეიცვალოს.

როგორც მამალაძე ამბობს, სწორედ „რესპუბლიკელები“ არიან დამნაშავე იმაში, რომ საქართველოში იგივე სისტემური პრობლემებია, რაც მიხეილ სააკაშვილის დროს იყო.

"ხიდაშელ-უსუფაშვილის დუეტის მძევლად არის ბიძინა ივანიშვილი. ის იძულებულია მათ ანგარიში გაუწიოს. „რესპუბლიკელები“ თუ გავიდნენ "ოცნებიდან", კოალიცია დაიშლება და ამის დაშვება არ უნდა. პირიქით, მიმაჩნია, რომ რაც უფრო სწრაფად ჩამოიშორებენ ამ ორ პიროვნებას, მით უფრო სწრაფად დალაგდება ქვეყანა, ღარიბაშვილიც რეფორმების გატარებას შეძლებს", - განაცხადა ლევან მამალაძემ