"თავისუფალი დემოკრატების" ლიდერი ირაკლი ალასანია მიიჩნევს, რომ იური ვაზაგაშვილის მკვლელობის მიზანი საზოგადოებაში დაუცველობის განცდის გაჩენაა.

მისი თქმით, ვაზაგაშვილის მკვლელობა შორს მიმავალი მიზნებისთვის მოხდა.

"ჩემი აზრით, იური ვაზაგაშვილის სასტიკი მკვლელობა, შორს მიმავალი მიზნებისთვის მოხდა. ამაში ვხედავ მოტივს, რომ საზოგადოებაში დაუცველობის განცდა გაჩნდეს. მიუხედავად იმისა თუ რა დამოკიდებულება გვაქვს მე და ჩემ პარტიას პროკურატურის მიმართ, რომელიც პოლიტიკური დევნით არის დაკავებული, ამ ყველაფერს გვერდზე ვწევთ და დაინტერესებული ვართ, რომ პროკურატურამ სიმართლეს მალე მიაკვილო. ამას მართლაც შეიძლება მოჰყვეს ქვეყანაში ძალიან სახიფათო მოვლენები, რადგან საზოგადოება ასეთი დანაშაულის გაუხსნელობას ვეღარ აიტანს“, - განაცხადა ალასანიამ.