იური ვაზაგაშვილის საქმის გამოძიებას კონტროლს საპარლამენტო უმრავლესობა გაუწევს. ამის შესახებ უმრავლესობის ლიდერმა დავით საგანელიძემ განაცხადა. მისი თქმით, საგამოძიებო უწყებებმა გამოძიების პროცესი ღიად უნდა წარმართოს.

"საზოგადოების მაქსიმალური ყურადღება უნდა იყოს მიპყრობილი ამ გამოძიების მიმართ. გამოძიების მსვლელობაზე ყველა უწყების და მათ შორის პარლამენტის მხრიდან მაქსიმალური კონტროლი უნდა განხორციელდეს. ყოველდღიურ ანგარიშს უნდა გვაბარებდნენ გამოძიების შესახებ,“ - განაცხადა საგანელიძემ.