საქართველოში უკრაინის ელჩი, ვასილი ციბენკო დონეცკში, საბრძოლო მოქმედებების დროს გარდაცვლილი, თამაზ სუხიაშვილის ოჯახს სამძიმარს უცხადებს. ციბენკო დარწმუნებულია, რომ თუ საქართველოს დასჭირდება მათ დასახმარებლად უპირველეს ყოვლისა სწორედ უკრაინელები მოვლენ.

„უკრაინაც და საქართველოც გლოვობს თამაზის სიკვდილს და დიდ მწუხარებას გამოთქვამს. თამაზი ძალიან მამაცი მეომარი იყო. ყველგან, სადაც იბრძოდა, სამხრეთ ოსეთში, ავღანეთში და ერაყში თავისი მხედრული სიმამაცე გამოავლინა. საუბედუროდ, იმ საბედისწერო საღამოს აეროპორტში მტრის ტყვიამ ახალგაზრდა სიცოცხლე გმირულად შეწყვიტა. თამაზი ყოველთვის ამბობდა, რომ უკრაინისთვის ბრძოლაში მე ვიბრძვი ჩემი მეგობრებისთვის და ვიბრძვი, ზოგადად თავისუფლებისთვის. დარწმუნებული ვარ, თუ საქართველოს დასჭირდება, უპირველეს ყოვლისა, დასახმარებლად სწორედ უკრაინელები მოვლენ“, - განაცხადა ციბენკომ აეროპორტში, სადაც გუშინ გვიან ღამით თამაზ სუხიაშვილის ოჯახი ჩამოასვენეს.