„საქართველოს ვერ ააფეთქებენ“

„საქართველოს ვერ ააფეთქებენ“ - აქცია გორში

პოლიტიკა - 18:13, 21 Jan, 2015

2191

გორელებმა თეატრის სკვერში იური ვაზაგაშვილის მკვლელობის შემთხვევა გააპროტესტეს და საქმის დაუყოვნებლივ გამოძიების მოთხოვნით აქცია გამართეს. მათ გარდაცვლილს წუთიერი დუმილით პატივი მიაგეს, მოგვიანებით კი მომხდართან დაკავშირებით საკუთარი პოზიცია დააფიქსირეს.
„ის ხალი რომელმაც ამ ტრაგედიის მოწყობა გადაწყვიტა და დაგეგემა, მათ გასაგონად გვინდა ვთქვათ, საქართველოს ვერ ააფეთქებენ. ჩვენ ალბათ იმედია თანდათან გონს მოვეგებით და დავდგებით იმ სწორ გზაზე რასაც აღმშენებლობა ჰქვია“ - განაცხადა გორის დარბაზის დამფუძვნებელი თამაზ მაყაშვილი.
მწერალი და გორის საკრებულოს დეპუტატი ვანო ჩხიკვაძე კი მიიჩნევს, რომ ვაზაგაშვილის საქმე ტრაგედიის ფარგლებს სცილდება.
„ვაზაგაშვილის მკვლელობა აბსოლიტურად ყველას ეხება, ეს არ არის უბედური შემთხვევა, ეს ძალიან დიდი უბედურების წინამორბედია იმიტომ, რომ ეს თუ გაგვიბედეს სხვა რამესაც გაგვიბედავენ,“ -ჩხიკვაძე.
შეგახსენებთ, რომ გუშინ იური ვაზაგაშვილი კასპის რაიონში, საკუთარი შვილის საფლავზე, აფეთქების შედეგად გარდაიცვალა. აფეთქება მაშინ მოხდა, როდესაც იური ვაზაგაშვილი საკუთარი შვილის საფლავზე ყვავილებს ცვლიდა. სავარაუდოდ ასაფეთქებელი მოწყობილობა სწორედ საყვავილეში იყო ჩამონატაჟებული. იური ვაზაგაშვილის გარდაცვალების ფაქტზე პროკურატურამ გამოძიება სისხლის სამართლის კოდექსის 109-ე მუხლით დაიწყო, რაც გულისხმობს განზრახ მკვლელობას დამამძიმებელ გარემოებაში.