პრემიერ-მინისტრის მეუღლე ნუნუკა თამაზაშვილი „ქრონიკა+“-ის რედაქტორის ელისო კილაძისა და ლექსო თამაზაშვილის დაპირისპირებას ეხმაურება.

„შენნაირი სუფთა, წესიერი, ნიჭიერი და ერთგული ვაჯკაცი ბევრი არ არის ამას პირველად გეუბნები, ვამაყობ რო ჩემო ძმა ხარ და ჩემ შვილებს ღირსეული და მაგარი ბიძა ყავთ!!! რაც შეეხება ბრალდებებს ვინც შენ გიცნობს ვერავინ დაიჯერებს გარდა იმისა ვისაც უნდა რომ დაიჯეროს ეს ბოდვა!“, - წერს ნუნუკა თამაზაშვილი მისი ძმის ერთ-ერთი პოსტის კომენტირებისას.

ლექსო თამაზაშვილი ელისო კილაძეს მატყუარა ჟურნალისტს უწოდებს. საქმე ეხება "ქრონიკა +"-ში გამოქვეყნებულ მასალას ეხმაურება, სადაც ნათქვამია, რომ ის და ზვიად ჯანყარაშვილი ბიზნესმენ თემურ უგულავასთან არაოფიციალურ მოლაპარაკებებს აწარმოებდნენ.

მათი ინფორმაციით, თემურ უგულავამ შეხვედრისას საუბრის აუდიოჩანაწერი გააკეთა, რაც მოგვიანებით მის უახლოეს მეგობარ ნიკუშა შენგელაიას ბიძინა ივანიშვილთან გაატანა. გაზეთის ცნობით, სწორედ ამ ჩანაწერის გამო სთხოვდა ივანიშვილი ღარიბაშვილს ლექსო თამაზაშვილის დაჭერას.

„პირველსავე შეხვედრაზე თემურ უგულავასთვის ზვიად ჯანყარაშვილს უთქვამს, - თუ გინდა, ფინანსურ პოლიციას და დარიცხულ 150 მილიონს თავი დააღწიო, მოვილაპარაკოთო. - რაზე მოვილაპარაკოთო? დაუკონკრეტებია თემურ უგულავას. - დარიცხული ჯარიმის ნახევარი, 75 მილიონი, არაოფიციალურად გადაიხადე და ფინანსური პოლიცია შემოწმებას შეაჩერებსო. ჯანყარაშვილის შეთავაზებაზე უგულავას გასცინებია, - სასამართლოში მაქვს გასაჩივრებული დარიცხული ჯარიმა და საერთოდ, არ ვაპირებ არაფრის გადახდასო! რაზეც, ამჯერად, უკვე ლექსო თამაზაშვილს უპასუხია, - ყ...ზე გვკიდია შენი გასაჩირებაც და სასამართლოც, გადაიხადე ნახევარი და პრობლემებიც მოგიგვარდებაო!“, - წერს გამოცემა.