ადვოკატ ირმა ჭკადუას ინფორმაციით, პროკურატურა ერთ კვირაში ზურა ვაზაგაშვილის მკვლელობაში დამნაშავეების დასახელებას აპირებდა. მისი თქმით, სწორედ ამ ფაქტს უკავშირდება ყარაფილაში მომხდარი აფეთქება, რასაც იური ვაზაგაშვილი ემსხვერპლა. ჭკადუა იმ მოწმეზეც საუბრობს, ვინც იური ვაზაგაშვილს ჟურნალისტებისთვის უნდა წარედგინა.

„პროკურატურამ იცის ვინ არის მოწმე, დაკითხულებიც არიან, უბრალოდ მათივე უსაფრთხოებიდან გამომდინარე ამ თემაზე ვერ ვსაუბრობთ. ეს საქმე პრაქტიკულად გახსნილია. ერთი კვირის ვადაში დამნაშავეები უნდა გაცხადებულიყვენ. ტექნიკური საკითხები იყო დარჩენილი. მაქვს ეჭვი, რომ ინფორმაციამ გაჟონა პროკურატურიდან და ადამიანებმა ვინც იური ვაზაგაშვილი იმსხვერპლეს, საფრთხე იგრძნეს. მოწმე ფლობდა ინფორმაციას, რომ ეს ბავშვები საყაჩაღოდ არ მიდიოდნენ და იყო მიზანმიმართული მკვლელობა“, - აცხადებს ჭკადუა.