პრეზიდენტის ადმინისტრაცია პარლამენტს უზენაესი სასამართლოს თავმჯდომარეობის კანდიდატურის განსახილველად კონსულტაციების დაჩქარების თხოვნით მიმართავს.

ამის შესახებ პრეზიდენტის საპარლამენტო მდივანმა გიორგი კვერენჩხილაძემ განაცხადა.

მისი განმარტებით, მიმართვა პრეზიდენტის დავალებით განხორციელდა.

"საპარლამენტო უმრავლესობისგან, საპარლამენტო უმცირესობისგან და საპარლამენტო ოპოზიციისგან, ამ პერიოდის განმავლობაში კონსულტაციებთან დაკავშირებით პოზიციების გაჟღერება მხოლოდ მედიასაშუალებების მხრიდან ხდებოდა. შესაბამისად, კონსულტაციების პროცესის დაჩქარების მიზნით საქართველოს პრეზიდენტმა, პრეზიდენტის ადმინისტრაციის პროტოკოლის სამსახურს დაავალა და ამ პროცესთან დაკავშირებული საორგანიზაციო საკითხების გადაწყვეტის მიზნით პროტოკოლის სამსახური პარლამენტის აპარატის შესაბამის სამსახურს უკვე დაუკავშირდა", - განაცხადა კვერენჩხილაძემ.