ზურაბ ადეიშვილი უკრაინის და ევროკავშირის ქვეყნების მთავრობებს რჩევებს აძლევს.

ამის შესახებ გადაცემა „არჩევანში“ უკრაინის იუსტიციის მინისტრის მოადგილემ გია გეწაძემ განაცხადა.

„როგორც მე ვიცი, ზურაბ ადეიშვილი ჩართულია ერთ-ერთ გუნდში, რომელიც მუშაობს ანტიკორუფციულ კანონმდებლობაზე. რამდენადაც ვიცი, ექსპერტის რანგში მუშაობს იქ. რაც შეეხება მის დანიშვნას, ეს ინფორმაცია მე არ მაქვს. ვიცი, რომ გამოცხადებულია კონკურსი ანტიკორუფციული ბიუროს ხელმძღვანელის თანამდებობაზე. ვერ გეტყვით განიხილება თუ არა ამ პოსტზე მისი კანდიდატურა, მაგრამ ერთი ვიცი, რომ ის კონსულტაციებს აძლევს უკრაინის მთავრობას და არა მხოლოდ უკრაინის მთავრობას. ის კონსულტაციებს აძლევს ევროკავშირის სულ მცირე ორი ქვეყნის მთავრობას. საქართველოში ის ძებნილია, მეორე მხრივ ევროკავშირის წევრი ქვეყნების მთავრობებს კონსულტაციებს აძლევს და მთავრობები მას უსმენენ. ასე, რომ პასუხის გაცემა თქვენთვის მომინდია", - განაცხადა გეწაძემ.