მიკაელ კადიევის ძმა საქართველოს ხელისუფლებას უმოქმედობაში ადანაშაულებს

პოლიტიკა - 15:27, 20 Jan, 2015

2480

მიკაელ კადიევის დაცვის მოთხოვნით დევნილთა და განსახლების სამინისტროსთან დღეს საპროტესტო აქცია გაიმართა.

აქცაზე მყოფმა, მიკაელ კადიევის ძმამ რამაზ კადიევმა “Newposts”-თან საუბრისას საქართველოს ხელისუფლება არაობიექტურობაში დადანაშაულა.

"ჩვენ დღეს შევიკრიბეთ იმისათვის რომ გავაპროტესტოთ და გვერდში დავუდგეთ ჩემს ძმას. ჩვენ აქ მოსულები ვართ იმისათვის, რომ გავაპროტესტოტ ხელისუფლების არაობიექტური ქმედებები. მათ არანაირი ინიციატივა არ გამოუჩენიათ, ჩვენ მთავრობას შევთავაზეთ დაღესტნელ უფლებადამცველთან გასაუბრება, რომელიც მზად არის თანამშრომლობისთვის, მაგრამ უარი მივიღეთ

ეს ყოველივე არა მხოლოდ ჩემს ძმას ეხება არამედ მთლიანად ჩრდილოეთ კავკასიას, იმიტომ რომ საქმე გვაქვს რუსეთთან და მის არაკანონიერ ქმედებებთან. ჩვენ თუ საქართველო მხარს არ დაგვიჭერს და არ შეაჩერებს რუსეთის მსგავს ქმედებებს, უკვე აღარ ვიცით სად წავიდეთ და ვის ვთხოვოთ დახმარება" - აცხადებს რამაზ კადიევმა.

მიკაილ კადიევი სამართალდამცველებმა 2013 წელს იარაღის უკანონო შენახვისთვის დააკავეს, მას პატიმრობის ვადა მიმდინარე წლის ივნისში ეწურება. ამჟამად კი პატიმრობაში მყოფი მიკაილ კადიევი, რომელსაც ლტოლვილის სტატუსის მინიჭებაზე დევნილთა და განსახლების სამინისტრომ უარი უთხრა, ამ სტატუსის მოსაპოვებლად უზენაეს სასამართლოში იბრძვის.