უმრავლესობის წევრი გია ვოლსკი მიიჩნევს, რომ პრეზიდენტის პარლამენტში გამოსვლის ფორმატზე და იქ დასწრებაზე მსჯელობა დაძაბულობას გამოიწვევს.

მისი თქმით, აუცილებელი არ არის პრეზიდენტის ყოველწლიურ მოხსენებას მთავრობამ პარლამენტის დარბაზში მოუსმინოს.

„არის საკითხები, რომელიც შეგიძლია არ დაძაბო და არ ეძებო სკანდალური განვითარების პერსპექტივები. ცუდი მრჩევლები ჰყავს როგორც ჩანს. თუ მოდის პრეზიდენტი პარლამენტში და თავის დამოკიდებულებაზე საუბრობს, რატომ არის აუცილებელი, რომ მთავრობა იქ იყოს და გულისყურით უსმენდეს დარბაზიდან, როცა შეიძლება უსმინო კიდევაც და საქმეც აკეთო. მთავრობას აქვს თავისი დღის წესრიგი“, - ამბობს ვოლსკი.