ერგნეთში დღეს ინციდენტების პრევენციისა და მათზე რეაგირების მექანიზმის ფარგლებში შეხვედრა გაიმართება. როგორც ცნობილია, ქართული მხარე შეხვედრაზე დავით ბაშარულის ცხინვალიდან გადმოსვენების საკითხს დააყენებს. ასევე შეხვედრაზე კიდევ რამდენიმე საკითხი განიხილება, მათ შორის გასული წლის ბოლოს უპილოტო საფრენი აპარატების მიერ საქართველოს საჰაერო სივრცის დარღვევის შემთხვევები.

დავით ბაშარულის ცხედარი ადგილობრივებმა ახალგორსა და სოფელ იკოთს შორის ხეზე ჩამოკიდებული ნახეს. ბაშარული ზაფხულში ახალგორის მილიციის თანამშრომლებმა განყოფილების შენობაში წაიყვანეს. მაშინ ვრცელდებოდა ინფორმაცია, რომ სამართალდამცველები მას ფიზიკურად გაუსწორდნენ.