ქართული ფილმების საერთაშორისო წარმატების აღსანიშნავად, კულტურის სამინისტრომ რეჟისორები ზაზა ურუშაძე და გიორგი ოვაშვილი დააჯილდოვა.

კულტურის სამინისტროს სპეციალური ჯილდო - „ხელოვნების ქურუმი“ რეჟისორებს სასტუმრო „თბილისი მარიოტში“ პრემიერ-მინისტრმა ირაკლი ღარიბაშვილმა გადასცა.

"დიდი სიამაყით ვამბობ, რომ ეს მარტო ბატონი ზაზას გამარჯვება არაა ეს საქართველოს გამარჯვებაა. ბატონო ზაზა თქვენ დაადასტურეთ, რომ ქართველები ძალიან ნიჭიერი ერი ვართ. ეს არის თქვენი, ჩვენი და ქართული კინოს გამარჯვება,"- განაცხადა ირაკლი ღარიბაშვილმა.

ზაზა ურუშაძის ფილმი „მანდარინები“ „ოსკარზე“ ნომინირებულ ხუთ საუკეთესო უცხოენოვან ფილმს შორის მოხვდა. ფილმი ესტონურ - ქართული კოპროდუქციაა. აღნიშნულ ნომინაციაზე წარსადგენ ფილმთა სიაში იყო ასევე, გიორგი ოვაშვილის „სიმინდის კუნძული“.