"წავიდა ერთი, მოვა სხვა, ვინც დაალაგებს პარტიას და მოამზადებს არჩევნებისთვის,"- ასე ეხმაურება კახა კალაძე პარტია "ქართული ოცნების" აღმასრულებელი მდივნის ვაკანტურ თანამდებობაზე კანდიდატურის შერჩევის პროცესს.

„რაც შეეხება აღმასრულებელ მდივანს, ჩვენ უკვე შერჩეული გვყავს პიროვნება, თუ ვინ იქნება პარტიის აღმასრულებელი მდივანი და უახლოეს მომავალში პარტიის თავმჯდომარე, ირაკლი ღარიბაშვილი ამას აუცილებლად მოგახსენებთ“.-განაცხადა ვიცე-პრემიერმა და ენერგეტიკის მინისტრმა კახა კალაძემ.

ქართული ოცნების ახალი აღმასრულებელი მდივნის კანდიდატურაზე კონსულტაციები დასრულებულია. ზვიად ჯანყარაშვილს კონსტიტუციონალისტი ირაკლი კობახიძე შეცვლის. მისი დამტკიცება პოლიტ საბჭოს სხდომაზე უახლოეს დღეებში იგეგმება.