,,მრგვალი მაგიდა - ნეიტრალური საქართველო“- არჩილ ჭყოიძე პარტიას ქმნის

პოლიტიკა - 13:20, 19 Jan, 2015

2026

ერეკლე მეორის საზოგადოების თავმჯდომარე არჩილ ჭყოიძე, სოციალურ ქსელში, ახალი პარტიის შექმნას აანონსებს და პარტიის შექმნის მიზეზებსაც ვრცლად მიმოიხილავს.

„ძალიან ხშირად მე და ჩემს თანამებრძოლებს სხვადასხვა იარლიყებს გვაწეპებენ: ხან პრო-რუსულს, ხან პრო-სომხურს, ხან პუტინის მონებად მოგვიხსენიებენ. არადა ჩვენ ერთადერთი ორგანიზაცია ვიყავით, რომლის წევრებიც ყოველთვის საჯაროდ ვამბობდით როგორც აქ, ასევე რუსეთში მათ შორის ისეთ პოლიტიკოსებთნ როგორებიც არიან ჟირინოვსკი, დუგინი, მილონოვი, რომ აფხაზეთის და სამაჩაბლოს აღიარება იყო რუსეთის მიერ დაშვებული დიდი შეცდომა. ჩვენ ყოველთვის მომხრე ვიყავით რათა საქართველოს ეწარმოებინა გაწონასწორებული პოლიტიკა, როგორც რუსეთთან, ასევე დასავლეთთან და გვემოქმედა ქვეყნის ინტერესებიდან.

ძალიან ხშირად ბევრი პროვოკატორი დეზინფორმაციებს ავრცელებს ჩვენს შესახებ, თითქოსდა გაზპრომი, კრემლი და ფსბ-აფინანსებს ჩვენს ორგანიზაციას, რაც მტკნარი სიცრუეა. მინდა განვაცხადო რომ ერეკლე მეორეს საზოგადოება პრაქტიკულად ყველა ღონისძიებას თავისი მხარდამჭერებისა და მეგობარი არასამთავრობო ორგანიზაციების დახმარებით ახორციელებს. ამას ის ფაქტიც ადასტურებს, რომ ერეკლე მეორის საზოგადოების ოფისიც კი ჩემ საკუთარ სახლშია განთავსებული. უბრალოდ ჩვენს ოპონენტებსა და მტრებს ვერ წარმოუდგენიათ თუ როგორ შეიძლება ამდენი ღონისძიებისა თუ აქციის, ასევე ინტერნეტ - ტელევიზიის მუშაობა ფინანსების გარეშე, ვინაიდან მათ არ იციან რას ნიშნავს სიტყვა პატრიოტიზმი. ისინი დიდი ხანია გადაეჩვივნენ სამშობლოსათვის სიკეთის კეთებას უფულოდ. აქედან გამომდინარე ბევრი მათგანი ფიქრობს, რომ იმას რასაც ჩვენ სამშობლოს სიყვარულით ვაკეთებთ, ამას ძალიან ბევრი ფული სჭირდება, რადგან ისინი ვინც 10-ათასობით გრანტებს ჭამენ როგორც დასავლეთიდან ასევე ჩრდილოეთიდან, არსად არ ჩანან და მათ არაფერი არ გამოსდით. ცოტა საუბარი გამიგრძელდა მაგრამ მინდა გაცნობოთ, რომ მე და ჩემმა მეგობრებმა, ჩვენმა მოძმე არასამთავრობო ორგანიზაციებმა გადავწყვიტეთ ჩამოვაყალიბოთ პარტია: ,,მრგვალი მაგიდა -ნეიტრალური საქართველო“- წერს არჩილ ჭყოიძე.