ბიზნესმენი ლევან ვასაძე სამართლიანობის აღდგენის აუცილებლობაზე საუბრობს და მიესალმება პრემიერის განცხადებას, რომ მთავრობა სამართლიანობის აღდგენის მეთოდიკასთან დაკავშირებით გეგმას თებერვალში წარმოადგენს.

ამის შესახებ ვასაძემ „კვირის პალიტრასთან“ ინტერვიუში განაცხადა.

"ინტერესით ველოდები მის დეტალებს", - აცხადებს ბიზნესმენი და სახალხო დამცველს უჩა ნანუაშვილს აკრიტიკებს.

"გამოდის არასამთავრობო სექტორის პირმშო, სახალხო დამცველი უჩა ნანუაშვილი და იმის მაგივრად, რომ 330 ათასი უსამართლოდ დაჩაგრული ადამიანისა და 10 ათასი გაწეწილი ბიზნესის ხელებდაკაპიწებული დამცველი იყოს, რაღაც სისულეებს იძახის – საქართველოში ეთნიკურ და რელიგიურ უმცირესობებს ჩაგრავენო. ეტყობა, ეს ადამიანი არასწორად უცქერს საქართველოს. შე კაი კაცო, ეგ რომ მართლა ასე იყოს, შენ ვინ აგირჩევდა ასეთ ქსენოფობიურ ქვეყანაში სახალხო დამცველად?" - განმარტავს ლევან ვასაძე.