„ნაციონალურ მოძრაობას“ უზენაესი სასამართლოს თავმჯდომარის კანდიდატურასთან დაკავშირებით პრეზიდენტის მიწვევა არ მიუღია.

ამის შესახებ პარტიის წევრმა დავით დარჩიაშვილმა განაცხადა.

მისი თქმით, წულუკიანის განცხადებები მიუთითებს, რომ უზენაესი სასამართლოს თავმჯდომარის პოლიტიკური ნიშნით არჩევა იგეგმება.

„საპარლამენტო ოპოზიციის მიმართ არანაირი ოფიციალური შემოთავაზება პრეზიდენტისგან არ ყოფილა. იუსტიციის ქალბატონი მინისტრი პირდაპირ გამოდის განცხადებებით, რომელსაც პოლიტიკური ნიშნის არჩევის გარდა არაფერი არ შეიძლება ეწოდოს. მას უნდა, რომ მას დაუჯეროს უზენაესი სასამართლოს თავმჯდომარემ და ასეთი პიროვნება იყოს არჩეული“, - განაცხადა დარჩიაშვილმა.