ეკლესიების რელიგიური კუთვნილების გარკვევა სამინისტროს კომპეტენცია არ არის

ეკლესიების რელიგიური კუთვნილების გარკვევა სამინისტროს კომპეტენცია არ არის - მიხეილ გიორგაძე

პოლიტიკა - 17:01, 18 Jan, 2015

2257

სომხური ეკლესიის იუნესკოსადმი მიმართვასთან დაკავშირებით, სადაც ქართული ტაძრების სომხური ეკლესიისათვის გადაცემაზეა საუბარი, კომენტარი საქართველოს კულტურის მინისტრი მიხეილ გიორგაძემ გააკეთა. როგორც მინისტრმა ჟურნალისტებს განუცხადა, ეკლესიების რელიგიური კუთვნილების გარკვევა კულტურის სამინისტროს კომპეტენცია არ არის. "კულტურის სამინისტროს კომპეტენცია ნამდვილად არ არის რელიგიური კუთვნილების გარკვევა. ამ სიაში მოხსენიებულ და სხვა კულტურული მემკვიდრეობის ძეგლებს ვუდგებით როგორც ძეგლებს და ვზრუნავთ მათზე, მიუხედავად მათი რელიგიური კუთვნილებისა", - აღნიშნა მიხეილ გიორგაძემ.

სომხეთმა იუნესკოს საქართველოს ტერიტორიაზე არსებული დაახლოებით 450 ტაძრის სომხური სამოციქულო ეკლესიისთვის გადაცემის თხოვნით მიმართა. ამის შესახებ ინფორმაციას „ინტერფაქსი“ სანდო წყაროზე დაყრდნობით ავრცელებს. სავარაუდოდ, ინფორმაცია ბაქოდან მოდის.

აზერბაიჯანში მიიჩნევენ , რომ ეს ნაბიჯი მოსალოდნელი იყო, თუკი სომხურ ისტორიოგრაფიას გადავავლებთ თვალს. „მე-19 საუკუნეში სომხები საქართველოსა და აზერბაიჯანის იმ ტერიტორიებზე დასახლდნენ, სადაც არასოდეს ყოოფილა. მათ მიზნად დაისახეს „ყველაფრის გასომხება, რაც მის ირგვლივაა.“ ბოლო დროის პრეტენზიები დუდუკზე, ლავაშზე, არარატის მთაზე, ქართულ ღვინოზე დ ახლა უკვე ეკლესიებზე - ერთი ჯაჭვური კავშირია“- განაცხადა აზერბაიჯანის პრეზიდენტის ადმინისტრაციის ხელმძღანელმა, ფაუდ ახუნდოვმა. „პრეტენზიები საქართველოსა თუ თურქეთში არსებულ მატერიალურ და არამატერიალურ მემკვიდრეობასთან დაკავშირებით, სომეხი ისტორიკოსების მრავალსაუკუნოვანი გაყალბებული ისტორიის შედეგია.“