საქართველოს საგარეო საქმეთა მინისტრის მოადგილემ დავით ჯალაღანიამ სომხეთის ქალაქ გიუმრიში მომხდარ ტრაგედიასთან დაკავშირებით კომენტარი გააკეთა. მან დაღუპულების ახლობლებს მიუსამძიმრა და დამნაშავის სათანადოდ დასჯის იმედი გამოთქვა.

„21-ე საუკუნეში ბევრი ტრაგიკული შემთხვევა მომხდარა, მაგრამ ჩვენს მეგობარ ქვეყანაში დატრიალებული ტრაგედია თავისი სისასტიკით ერთ-ერთი გამორჩეულია" - განაცხადა დავით ჯალაღანიამ.

როგორც ცნობილია, 12 იანვარს რუსმა სამხედრო მოსამსახურემ სომხეთის ქალაქ გიუმრიში, სადაც რუსეთის 102-ე სამხედრო ბაზაა დისლოცირებული, ავტომატური იარაღით ავეტისაიანების ოჯახის ექვსი წევრი მოკლა. გადარჩა მხოლოდ 6 თვის ჩვილი. მკვლელობის მოტივი უცნობია.