„ნაციონალური მოძრაობის“ ლიდერები ევროკომისარ იოჰანეს ჰანსს შეხვდნენ.

როგორც შეხვედრის დასრულების შემდეგ გიგა ბოკერიამ განაცხადა, საქართველოს ამოცანაა რომ გადადგას შემდგომი ნაბიჯები ისტორიული მისიის შესასრულებლად, ევროპის წიაღში დასასრულებლად და გასაწევრიანებლად.

„შემდეგი ნაბიჯებია ევროკავშირში გაწევრიანების პერსპექტივის მოპოვება რიგის სამიტზე და უვიზო მიმოსვლა ჩვენი მოქალაქეებისთვის. მთავრობის მოვალეობაა რომ აქტიურად იმუშაოს ამ მიმართულებით, ხოლო მეორე მხრივ არ შეუქმნას პრობლემები თავისი პოლიტიკით ქვეყნის შიგნით ევროპული ტრანსფორმაციის პროცესს. სამწუხაროდ, ამ მხრივ ქვეყანაში მძიმე მდგომარეობა გვაქვს ივანიშილის ქმედებების გამო. ევროკომისარი ჰანის ვიზიტი ამ თვალსაზრისით არის ძალიან მნიშვნელოვანი და საერთო ამოცანა მთელი ქართული საზოგადოების და პოლიტიკური ძალის არის ის რომ ყველაფერი გავაკეთოთ საქართველოს ევროინტეგრაციის პროცესის დასაჩქარებლად“, - განაცხადა ბოკერიამ.