„თავისუფალი დემოკრატების“ ლიდერი ირაკლი ალასანია მისი თანაპარტიელების საპარლამენტო პოსტებიდან გადაყენების შესახებ დავით საგანელიძის განცხადებას ეხმაურება,

მისი თქმით, პოსტებიდან გათავისუფლების საკითხის დაყენებით, „თავისუფალ დემოკრატებს“ ვერაფერს დააკლებენ.

„ძალიან საინტერესო პოლიტიკური პროცესი იქნება ვინ დაუჭერს მხარს და ვინ არა. რეალურად გამოჩნდება რამდენად ფასდება უმრავლესობაში პროფესიონალიზმისადმი ერთგულება და ეს ჩვენ დიდს ვერაფერს დაგვაკლებს. უბრალოდ საინტერესო იქნება პოლიტიკურად როგორ წარმართავენ კომიტეტებიდან „თავისუფალი დემოკრატების“ გადაყენების საკითხს. იმედია უმრავლესობაში იქნებიან ისეთი პირები, ვინც ამ გადაწყვეტილებას მხარს არ დაუჭერენ“, - განაცხადა ალასანიამ.