შერიგებისა და სამოქალაქო თანასწორობის საკითხებში სახელმწიფო მინისტრი პაატა ზაქარეიშვილი "ენგურჰესთან“ დაკავშირებით კომპანია "ჩერნომორენერგოს" გენერალური დირექტორის ასლან ბასარიას განცხადებას ეხმაურება.

მისი თქმით, ჰესთან დაკავშირებით აფხაზურ მხარესთან მოლაპარაკებები გამორიცხულია.

მისი თქმით, 90-იან წლების შემდეგ "ენგურჰესის" ექსპლუატაციას მხოლოდ საქართველოს ენერგეტიკის სამინისტრო აწარმოებს.

„ამ დროის განმავლობაში ექსპლუატაცია იქნება თუ სარემონტო სამუშაოები აწარმოებს ენერგეტიკის სამინისტრო, რომელსაც ბუნებრივია ჰქონდა გარკვეული კონტაქტები აფხაზურ მხარესთან, რადგან „ენგურჰესის“ კაშხალი არის წალენჯიხის რაიონში და თვითონ ელექტროსადგური არის გალის რაიონში. ბუნებრივია, ელექტროსადგური ვერ იმუშავებს თუ არ მიეწოდება ის წყალი, რაც არის განთავსებული წყალსაცავში", - განაცხადა პაატა ზაქარეიშვილმა.