საქართველოს პრემიერ-მინისტრმა ევროკიმისარ იოჰანეს ჰანთან შეხვედრას ნაყოფიერი უწოდა.

როგორც ირაკლი ღარიბაშვილმა ერთობლივ პრესკონფერენციაზე განაცხადა, შეხვედრაზე საქართველო-ევროკავშირის ურთიერთობები, ქვეყანაში მიმდინარე რეფორმები და უსაფრთხოების გამოწვევის კუთხით რეგიონში არსებული გამოწვევები განიხილეს.

„ჩვენ დღეს ევროკაშვირთან ურთიერთობის ხარისხობრივად ახალ ეტაპზე გადავდივართ.ეს პროცესი თანაშრომლობის გაღრმავებას და ინტენსიფიკაციას პოლიტიკურ, ეკონომიკურ, სოციალურ, კულტურის, უსაფრთხოების და სხვა სფეროებში. ჩვენი მთავრობა სერიოზულად ემზადება რიაგში დაგეგმილი აღმოსავლეთ პარტნიორობის სამიტისთვის. ჩვენი ამოცანაა, რომ სამიტზე წარვდგეთ კონკრეტული შედეგებით და კონკრეტული წარმატებული პროექტები ვაჩვენოთ. ასევე ვაჩვენოთ, რომ საქართველო საკუთარი ევროპული გზის ერთგულია და ჩვენ, როგორც ქვეყანა ვართ წარმატებული სახელმწიფო და ევროკაშირის სანდო პარტნიორი“, - განაცხადა პრემიერმა.