პრემიერ-მინისტრი ირაკლი ღარიბაშვილი საქართველოს და ესტონეთს „ოსკარზე“ წარსადგენ ნომინანტთა შორის „მანდარინების“ დასახელებას ულოცავს.

„ვულოცავ საქართველოს! ვულოცავ ესტონეთს! ქართველი რეჟისორის, ზაზა ურუშაძის ფილმი „ოსკარზეა“ ნომინირებული. "მანდარინები", ხუთ საუკეთესო უცხოენოვან ფილმს შორისაა. ყველას გილოცავთ!“, - ნათქვამია პრემიერის მიერ გავრცელებულ მილოცვაში.

„მანდარინები“ ოსკარზე საუკეთესო უცხოენოვანი ფილმის ნომინაციაში გამარჯვებისთვის იბრძოლებს.

ნომინატების სია სულ ცოტა ხნის წინ გახდა ცნობილი, დაჯილდოების ცერემონიალი 22 თებერვალს გაიმართება.