არასამთავრობო ორგანიზაციის წარმომადგენლებმა პრეზიდენტს შესთავაზეს, რომ უზენაესი სასამართლოს თავმჯდომარის კანდიდატურასთან დაკავშირებით დროებითი საბჭო შეიქმნას.

საბჭო იმ კრიტერიუმებს განსაზღვრავს, რასაც უზენაესი სასამართლოს თავმჯდომარე უნდა აკმაყოფილებდეს.

მესამე სექტორში მიიჩნევენ, რომ ამ ჯგუფში საზოგადოების ყველა დაინტერესებული წევრი უნდა შედიოდეს, გარდა პოლიტიკოსებისა.

„ჩვენ პრეზიდენტს კონკრეტული მოდელი შევთავაზეთ. შესაძლებელია შეიქმნას საკონსულტაციო ორგანო, მრჩეველთა საბჭო, რომელიც შეისწავლის კანდიდატების გასულ საქმიანობას, შეაფასებს კრიტერიუმებთან შესაბამისობას ამ კანდიდატების და პრეზიდენტს მიმართავს რეკომენდაციებით კონკრეტულ კანდიდატებთან დაკავშირებით“, - განაცხადა შეხვედრის დასრულების შემდეგ საია-ს თავმჯდომარემ ანა ნაცვლიშვილმა.