ზურაბ ვაზაგაშვილის მამა, იური ვაზაგაშვილი პრემიერს სამართლიანობის აღდგენისკენ მოუწოდებს.

მისი თქმით, შინაგან საქმეთა სამინისტროში და პროკურატურაში დღემდე რჩებიან ადამიანები, ვისაც მისი შვილის მკვლელობაში ბრალიუ მიუძღვით.

„მივამართავ, პრემიერს, რათა მან იცოდეს, რომ ჭიკაიძე მფარველობს მკვლელებს. შინაგან საქმეთა სამინისტრო სავსეა ზონდერებით და იმ ადამიანებით, ვინც საშინელებები ჩაიდინა. მათი 80% დღეს თანამდებობაზე რჩება. ვგულისხმობ გლდანი-ნაძალადევის სამმართველოს თანამშრომლებს. მინდა გითხრათ, რომ ყალიბდება სახალხო მოძრაობა, რომელიც სამართლიანობის აღდგენის მოთხოვნით, სხვადასხვა სახის აქტივობას განახორციელებს. აღნიშნულ საკითხზე შეხვედრები მიმდინარეობს“, - განაცხადა ვაზაგაშვილმა.