,,ნაციონალური მოძრაობა” RMG GOLD-ის ლიცენზირებასთან დაკავშრებით განცხადებას ავრცელებს

პოლიტიკა - 13:31, 15 Jan, 2015

1048

"ერთიანი ნაციონალური მოძრაობა" კომპანია RMG GOLD-ის ლიცენზირებასთან დაკავშირებით განცხადებას ავრცელებს.
RMG GOLD-ს ლიცენზიის ვადა 2015 წლის 1 იანვრამდე ჰქონდა.როგორც ირკვევა, RMG GOLD -ს ახალი წლის წინა დღეს, 30 დეკემბერს მთავრობის დადგენილებით გაუგრძელდა ლიცენზია.

ნიშანდობლივია, რომ RMG GOLD-მა მთავრობას ლიცენზიის გაგრძელების მოთხოვნით 2014 წლის 29 დეკემბერს მიმართა. მთავრობა კვლავ შესაშური სისწრაფით რეაგირებს კერძო კომპანიის მოთხოვნაზე.

მთავრობამ გაუგრძელა კომპანიას ლიცენზია და ამით საშუალება მისცა გაეგრძელებინა ძეგლის ნგრევა, მიუხედავად იმისა, რომ პარლამენტმა საყდრისის კულტურული მემკვიდრეობის ძეგლის დანგრევასთან დაკავშირებით საგამოძიებო კომისიის შექმნის მიზანშეწონილების გადაწყვეტილება მიიღო და ექსპერტები, მეცნიერები და არასამთავრობო ორგანიზაციები ითხოვენ ძეგლზე სამუშაოების შეჩერებას.

გარდა ამ გარემოებისა: ჯამში ლიცენზიებში გადახდილი თანხა 204 000 000 ლარს შეადგენს. ლიცენზიის მოქმედების ვადაა 27 წელი. ლიცენზიის ძალაში შესვლის თარიღი იყო 2014 წლის 15 აპრილი;

„აუქციონი არ მოიცავს (ლიცენზია არ გაიცემა) საყდრისის საბადოს ყაჩაღიანის უბნის იმ ტერიტორიას, რომელსაც კულტურული მემკვიდრეობის ძეგლის სტატუსი აქვს“;

არსებული წიაღისეული მარაგი — სავარაუდოდ10 ტონამდე, რაც შეადგენს დაახლოებით 10 ტონა 32000 უნციაა უნცია ოქროს,მსოფლიოში ოქროს ფასი — სექტებრამდე შეადგენდა საშუალოდ 1300 დოლარს. ბოლო კვირის საშუალო ფასი შეადგენს 1226-1228 დოლარს ერთ უნციაზე, შესაბამისად, დღეს ცნობილი მარაგის ფასი სავარაუდოდ (ლონდონის მეტალების ბირჟის ფასის გათვალისწინებით) შეადგენს 400 მლნ. დოლარს.

აქედან გამომდინარე, ისმის კითხვები: რატომ მიიღო კულტურის სამინისტრომ ახალი აქტი, რომელიც ეწინააღმდეგებოდა თბილისის სასამართლოს გადაწყვეტილებას?

რატომ არ დაელოდა კომპანია კულტურის სამინისტროს აქტის სასამართლოში შესაძლო გასაჩივრების ვადებს?

რატომ გაგრძელდა ლიცენზია უფასოდ, რითიც იზარალა სახელმწიფო ბიუჯეტმა?

ვინ არის ის პირი, ვის გამოც მთავრობამ მრავალჯერ დაარღვია კანონი?