პრემიერ-მინისტრი აჭარის ავტონომიური რესპუბლიკის მთავრობის წარმომადგენლებს არაფორმალურ გარემოში რესტორან "ქართულ სახლში" შეხვდა. შეხვედრის დასრულების შემდეგ ირაკლი ღარიბაშვილს კომენტარი არ გაუკეთებია.

აჭარის უმაღლესი საბჭოს თავმჯდომარის ავთანდილ ბერიძის თქმით, ვახშამზე რეგიონში არსებული ვითარება განიხილეს. ვითარებაზე ისაუბრეს.

„აჭარის უმაღლესი საბჭო შეეცადა, გადაეჭრა ერთ-ერთი ყველაზე მნიშვნელოვანი საკითხი, რომელიც მიწების დაკანონებას და გასხვისებას ეხება. აღნიშნულთან დაკავშირებით ჩვენ უკვე მივიღეთ შესაბამისი კანონპროექტი, წარმოვადგიენთ საქართველოს პარლამენტში და ახლა პრემიერს და პარლამენტს ვთხოვთ ამ კანონპროექტის მხარდაჭერას. ამ კანონის მიღებით თითქმის ოცი ათასი ოჯახი აჭარაში მიიღებს მიწებს," - განაცხადა ავთანდილ ბერიძემ.