23 ქართველი მეზღვაური შველას ითხოვს, ისინი უკვე რამდენი თვეა სხვადასხვა გემზე აფრიკის რესპუბლიკა ბენინის, ქალაქ კოტუნუს ყურეში იმყოფებიან.

ქართველი მეზღვაურები „რუსთავი 2“-თან საუბრისას აცხადებენ, რომ მათ საკვები და სასმელი წყალი არ აქვთ.

ისინი უკვე 2 თვეზე მეტია ხმელეთზე არ ყოფილან, რადგან კანონი უკრძალავთ. მეზღვაურებს უკვე 6 თვეა არ მიუღიათ ხელფასები და ბერძნულმა კომპანიამ, რომელთანაც თანამშრომლობდნენ კოტრაქტები შეუწყვიტა.

„6 თვეა არ გვაქვს ხელფასი, გაგვითავდა ყველანაირი პროდუქტი, არც წყალი გვაქვს და არც საჭმელი. ყველას დაგვიმთავრდა კონტრაქტი, ველოდებოდით სახლში წასვლას და ხელფასის აღებას. მაგრამ უკვე 6 თვეა გვატყუებენ და მოსალოდნელიცაა, რომ პოლიცია მოიყვანონ და დაგვაპატიმრონ“- აცხადებს ერთ-ერთი მეზღვაური ლერი სირაბიძე.