დედაქალაქის მერი უარყოფს გავრცელებულ ინფორმაციას, რომ სოლოლაკის ფერდობზე პროექტ პანორამა-თბილისის ფარგლებში სამუშაოები მიმდინარეობს.

დავით ნარმანიას თქმით, ამ ეტაპზე ადგილზე არაფერი ხდება, თუმცა კომპანიას სრული უფლება აქვს ნებისმიერ დროს დაიწყოს სამუშაოები.

"როგორც ჩვენ გადავამოწმეთ, სოლოლაკის ქედზე ჯერჯერობით სამუშაოები არ მიმდინარეობს. ზედამხედველობის სამსახურმა გადაამოწმა შესაბამის ტერიტორიაზე მიმდინარეობდა თუ არა სამუშაოები და არ დადასტურდა, თუმცა მათ აქვთ შესაბამისი უფლება იმისა, რომ გარკვეული სამუშაოები უკვე დაიწყონ“, - განაცხადა ნარმანიამ.