იუსტიციის მინისტრი თეა წულუკიანი უკანონო ფორმირებებში ჩართვასთან დაკავშირებით სისხლის სამართლის კოდექსში დაგეგმილ ცვლილებებზე განმარტებას აკეთებს.

მისი თქმით, დასჯის მიზანი არის ის, რომ საქართველოდან სხვა ქვეყნების ტერორისტულ ორგანიზაციებში მოქალაქეების გადინება არ მოხდეს.

„ეს ემსახურება ერთადერთ მიზანს, რომ არ მოხდეს გადინება ჩვენი ქვეყნიდან სხვა ქვეყნებში ტერორისტულ ორგანიზაციებში მონაწილეობის მიზნით, არ დაგვემართოს ის, რაც გაცილებით დიდი მასშტაბის ევროპულ ქვეყნებს დაემართათ. ეს არის საკუთარი მოქალაქეების მოგზაურობა "ჯიჰადის" მიზნით", - განაცხადა თეა წულუკიანმა.