საპარლამენტო უმრვალესობის წევრი ირაკლი სესიაშვილი საქართველოს მოქალაქეების უცხო ქვეყნის ტერიტორიაზე უკანონო ფორმირებებში ჩართვასთან დაკავშირებით სისხლის სამართლის კოდექსში მოსალოდნელ ცვლილებებს ეხმაურება.

სესიაშვილის თქმით, კანონი უნდა გახდეს ერთგვარი პრევენცია იმ ადამიანების ცდუნების დასაცავად, ვინც საზღვარგარეთ უკანონო ფორმირებებთან თანამშრომლობას გეგმავს.

"ეს ერთის მხრივ პრევენციულად ზემოქმედებას მოახდენს, რომ ჩვენი თანამშრომლები გაფრთხილებული იყვნენ, რომ თუ უკანონო ფორმირებებში მონაწილეობას მიიღებენ, ეს ქმედება იქნება დასჯადი. მეორეს მხრივ ჩვენ ჩვენი თანამოქალაქეები დავიცვათ იმისგან, რომ თუ ტერორიზმში თანამომნაწილე ადამიანი დაბრუნდებიან საქართველოში, მათ საფრთხე არ წარმოექმნათ“, - განაცხადა სესიაშვილმა.

იუსტიციის მინისტრის განცხადებით უკანონო შეიარაღებულ ფორმირებებში მონაწილეობა დასჯადი გახდება. წულუკიანის თქმით, მთავრობამ პარლამენტს საკანონმდებლო ინიციატივა უკვე გაუგზავნა, რომლის დამტკიცების შემთხვევაში უკანონო შეიარაღებულ ფორმირებებში მონაწილეობა 2 წლით თავისუფლების აღკვეთით დაისჯება.